న్యూఢిల్లీ: అత్యంత పలుచని, ఒక్కసారి వాడి పారవేసే (యూజ్ అండ్ త్రో) ప్లాస్టిక్ వస్తువులపై కేంద్రం నిషేధం విధించింది. ఈ నిషేధం జూలై 1 నుంచి అమలులోకి రానుంది. ఈ మేరకు కేంద్ర పర్యావరణ, అటవీ మంత్రిత్వ శాఖ ఒక ప్రకటన కూడా జారీ చేసింది.
అంతేకాదు తక్కువ పరిమాణం కలిగిన ఒకసారి వాడి పారవేసే ప్లాస్టిక్ వినియోగంతోపాటు వాటిని తయారు చేయడం, దిగుమతి చేసుకోవడం, నిల్వ ఉంచుకోవడం, సరఫరా చేయడం, అమ్మడాన్ని కూడా నిషేదిస్తున్నట్లు ఆ ప్రకటనలో పేర్కొంది.
ప్రధాని నరేంద్ర మోడీ ఇచ్చిన పిలుపు మేరకు యూజ్ అండ్ త్రో ప్లాస్టిక్ వస్తువుల నిషేధాన్ని అమలులోనికి తీసుకొస్తున్నట్లు తెలిపింది. ఈ నిషేధం నేపథ్యంలో ఏ వాణిజ్య సంస్థ కూడా తమ పరిధిలో ఒకసారి వాడి పారవేసే ప్లాస్టిక్‌ను ఉపయోగించరాదని పేర్కొంది.
దేశ వ్యాప్తంగా ఈ రకమైన ప్లాస్టిక్ వస్తువుల నిషేధాన్ని సమర్థవంతంగా అమలు చేసేందుకు వీలుగా కేంద్ర, రాష్ట్ర స్థాయిల్లో కంట్రోల్ రూమ్‌లను ఏర్పాటు చేయనున్నట్లు కూడా కేంద్ర పర్యావరణ, అటవీ మంత్రిత్వ శాఖ ఆ ప్రకటనలో వివరించింది.
దీనికి అనుగుణంగా స్థానిక సంస్థలు తమ పరిధిలో వాణిజ్య సంస్థలకు అనుమతులు మంజూరు చేసేటప్పుడు ఒకసారి వాడి పారవేసే ప్లాస్టిక్‌ను ఉపయోగించరాదనే షరతు విధించాలని, ఒకవేళ ఎవరైనా ఉపయోగించినా.. విక్రయించినా ఆయా సంస్థల లైసెన్సులు రద్దు చేయాలని ఆదేశాలు జారీ చేసింది.
ఏయే వస్తువులు బ్యాన్ అంటే…
ఇయర్ బడ్స్ వాడే ప్లాస్టిక్ పుల్లలు(Earbuds with Plastic Sticks)
బెలూన్లకు ఉపయోగించే ప్లాస్టిక్ స్టిక్స్ (Plastic sticks for Balloons)
ప్లాస్టిక్ జెండాలు (Plastic Flags)
ఐస్‌క్రీమ్ పుల్లలు (Ice-cream Sticks)
థర్మోకోల్ (Thermocol)
క్యాండీ స్టిక్స్ – పిప్పరమెంట్‌లు, లాలీపాప్స్‌కు వాడే ప్లాస్టిక్ పుల్లలు (Candy Sticks)
ప్లాస్టిక్ ప్లేట్లు (Plastic Plates)
ప్లాస్టిక్ కప్పులు (Plastic Cups)
ప్లాస్టిక్ గ్లాసులు (Plastic Glasses)
ప్లాస్టిక్ ఫోర్క్‌లు (Plastic Forks)
ప్లాస్టిక్ కత్తులు (Plastic Knives)
ప్లాస్టిక్ స్పూన్లు (Plastic Spoons)
ప్లాస్టిక్ స్ట్రాలు (Plastic Straws)
సిగరెట్ ప్యాకెట్లు (Cigarette Packets)
ఆహ్వాన పత్రాలు (Plastic Invitations)
వేడి పదార్థాలు, స్వీట్ బాక్సుల ప్యాకింగ్‌‌కు వాడే పలుచని ప్లాస్టిక్ షీట్లు మరియు కవర్లు (Thin Plastic Sheets & Covers)
ద్రవ పదార్థాలు కలిపేందుకు వాడే ప్లాస్టిక్ పుల్లలు (Plastic Sticks)
100 మైక్రాన్లలోపు ఉండే ప్లాస్టిక్ లేదా పీవీసీ బ్యానర్లు (Plastic or PVC Banners below 100 Microns)
 ప్లాస్టిక్ వస్తువులపై కేంద్రం నిషేధం విధించింది. ఈ నిషేధం జూలై 1 నుంచి అమలులోకి రానుంది.){kind=link}