- Advertisement -
వరంగల్: వరంగల్ పోలీసు కమిషనరేట్ పరిధిలో ఆదివారం జరగనున గ్రూప్ -4 పరీక్షల దృష్ట్యా ఎలాంటి అవాంఛనీయ సంఘటనలు జరగకుండా ముందస్తుగా పరీక్ష కేంద్రాల వద్ద 144 సెక్షన్ అమలు చేస్తున్నట్లు వరంగల్ పోలీసు కమిషనర్ రవీందర్ ఒక ప్రకటనలో తెలిపారు.
ఆదివారం ఉదయం 10 గంటల నుండి మధ్యాహ్నం 12.30 గంటల వరకు, అలాగే మధ్యాహ్నం 2.30 గంటల నుండి సాయంత్రం 5 గంటల వరకు గ్రూప్ -4 పరీక్షలు నిర్వహించనున్న సంగతి తెలిసిందే.
ఈ నేపథ్యంలో ఆదివారం ఉదయం 8 గంటల నుండి సాయంత్రం 6 గంటల వరకు ఆయా పరీక్ష కేంద్రాల దగ్గర 144 సెక్షన్ విధిస్తున్నట్లు కమిషనర్ రవీందర్ పేర్కొన్నారు. దీనిని ప్రజలు గుర్తుపెట్టుకోవాలని, పరీక్ష కేంద్రల వద్ద పోలీసుల అనుమతి లేకుండా రాస్తారోకోలు, ధర్నాలు నిర్వహిస్తే కఠిన చర్యలు తీసుకుంటామని సీపీ హెచ్చరించారు.
- Advertisement -
