హైదరాబాద్ : తేజ దర్శకత్వంలో కాజల్ ప్రధాన పాత్రధారిగా ‘సీత’ సినిమా రూపొందింది. ఈ సినిమాలో కాజల్‌కు జోడీగా బెల్లంకొండ శ్రీనివాస్ కనిపించనున్నాడు. ఈ నెల 25వ తేదీన ఈ సినిమాను భారీ స్థాయిలో విడుదల చేయనున్నారు.
ఈ నేపథ్యంలో ఈ సినిమా నుంచి రేపు బుల్ రెడ్డి అంటూ సాగే ఒక ఐటమ్ సాంగ్ ను రిలీజ్ చేయనున్నారనేది తాజా సమాచారం. రేపు ఉదయం 10 గంటల 30 నిమిషాలకి ఈ సాంగ్ ను వదలనున్నారు. ఆర్ ఎక్స్ 100 భామ పాయల్ రాజ్ పుత్ ఈ సినిమాలో ఈ ఐటమ్ సాంగ్ చేసింది.
ఈ పాటలో ఆమె ఒక రేంజ్‌లో అందాలను ఆరబోసిందని చెబుతున్నారు. పాటలో ఆమె ఆర్ ఎక్స్ 100 బైక్‌ను కూడా నడుపుతుందని అంటున్నారు. ఈ ఐటమ్ సాంగ్ మాస్ ఆడియన్స్‌ను ఒక ఊపు ఊపేయడం ఖాయమనే టాక్ వినిపిస్తోంది.
ఈ సినిమాకి ఈ ఐటమ్ సాంగ్ ప్రత్యేక ఆకర్షణగా నిలుస్తుందని చెప్పుకుంటున్నారు. ‘నేనే రాజు నేనే మంత్రి’ తరువాత దర్శకుడు తేజ నుంచి వస్తోన్న ‘సీత’ సినిమా ఆయనకి మరో హిట్‌ను ఇస్తుందేమో చూడాలి.
