విషాదం: లోయలో పడిన బస్సు.. 33 మంది మృతి

దాదాపు 800 అడుగుల లోతైన లోయలోకి పడటంతో బస్సు నుజ్జునుజ్జయ్యింది.  ప్రమాదం జరిగిన సమయంలో బస్సులో డ్రైవర్, క్లీనర్‌తో పాటు 35 మంది ఉన్నారు. బస్సు ప్రమాద సమాచారం అందగానే పోలీసులు, అధికారులు ఘటనా స్థలికి చేరి సహాయక చర్యలు చేపట్టారు.  బస్సులో లోయలోకి పడక ముందే ఓ ప్రయాణికుడు బయటికి దూకి ప్రాణాలు కాపాడుకున్నాడు. ప్రమాదం సమయానికి ఆ ప్రాంతంలో ఎవరూ లేకపోవడంతో ఆ వ్యక్తే జరిగిన ప్రమాదం గురించి స్థానికులకు తెలియజేశాడు.