పిచ్చి పీక్స్‌కి చేరడమంటే ఇదే.. ఎంత లైవ్ కవరేజి అయితే మాత్రం ఇలానా?

రిపోర్టర్లలో పాకిస్తాన్ రిపోర్టర్లు వేరయా, అనే నానుడి మరోసారి నిరూపితమైంది. గతంలో గాడిదల జనాభా పెరిగిపోతుందని చెప్పడం కోసం ఓ జర్నలిస్ట్ గాడిద మీద కూర్చొని రిపోర్టింగ్ చేయడం, ఆ గాడిద రిపోర్టర్ ను పడేయడం వైరల్ అయ్యింది. అలాంటి మరో ఘటన తాజాగా జరిగింది.పాకిస్తాన్ లో వరద తీవ్రత గురించి తెలియజేసేందుకు ఏకంగా ఓ రిపోర్ట్ ప్రవాహంలో దిగి రిపోర్టింగ్ చేయడం సంచలనమైంది. ఈయన పిచ్చి పీక్ స్టేజ్ కి చేరి ఇలా రిపోర్టింగ్ చేసిన వీడియో తెగ వైరల్ గా మారింది.

నైలా ఇనయత్ అనే ట్విట్టర్ యూజర్ పోస్టు చేసిన ఆ రిపోర్టర్ వీడియో ఇప్పుడు సంచలనంగా మారింది. ఉదృత ప్రవాహంలో దిగి రిపోర్టింగ్ చేస్తున్న సదురు జర్నలిస్ట్ వీడియో చూసి ఇప్పుడు అందరూ తెగ నవ్వుకుంటున్నారు.దీన్ని పోస్ట్ చేసిన నైలా ఏ రిపోర్టర్ చేయని న్యూస్ తీసుకురా అని ఆదేశించగా.. పాపం రిపోర్టర్ ఇలా ప్రవాహంలో మునిగి రిపోర్టింగ్ చేశాడు అని క్యాప్షన్ తో సెటైర్ వేసింది. ఈ పోస్టు వైరల్ అయ్యింది.

అందరూ తెగ కామెంట్స్ చేస్తున్నారు. వరదలో నువ్వు కూడా కొట్టుకుపోతే అప్పుడు నీ గురించి రిపోర్ట్ చేయాల్సి వస్తుంది అని కొందరు, ఇలాంటి తలకు మాసిన ఆలోచనలు ఎలా వస్తాయో అని ఇంకొందరు కామెంట్ చేస్తున్నారు.