రెబల్ స్టార్ తన చిన్ననాటి స్నేహితులు వంశీ కృష్ణారెడ్డి, ఉప్పలపాటి ప్రమోద్ లు త్వరలో ఓ తెలుగు టీవీ చానెల్ ను ప్రారంభించాలని నిర్ణయించుకోగా, అందులో ప్రభాస్ కూడా భాగస్వామి కానున్నారని సమాచారం. దీనిపై అధికారిక సమాచారం ఇంకా వెలువడలేదు. సూళ్లూరుపేట సమీపంలో ప్రభాస్ ఓ భారీ సినిమా థియేటర్ ను నిర్మిస్తున్నారు. ఇది ఇండియాలోనే అతిపెద్ద స్క్రీన్ తో ఉంటుందట. త్వరలోనే ఈ థియేటర్ ప్రారంభమవుతుందని తెలుస్తోంది.
కాగా, గతంలో నాగార్జున, చిరంజీవి ఓ చానెల్ లో పార్టనర్స్ గా ఉన్నారన్న సంగతి తెలిసిందే. ఇక మహేశ్ బాబు ఏఎంబీ సినిమాస్ పేరిట చిత్ర ప్రదర్శన రంగంలోకి కూడా కాలుమోపారు. మహేశ్ దారిలోనే నడవాలని భావిస్తున్న బన్నీ, ఓ మల్టీప్లెక్స్ ను నిర్మిస్తున్నారన్న విషయం తెలిసిందే. టాలీవుడ్ స్టార్స్ సినిమాల్లో నటిస్తూనే, వ్యాపార రంగంలోనూ రాణించాలని తమవంతు ప్రయత్నాలు చేస్తుండటం విశేషం.
