హైదరాబాద్: టాలీవుడ్ లో విలక్షణ దర్శకుడిగా పేరు తెచ్చుకున్న రాంగోపాల్ వర్మ ‘శివ’సినిమా తర్వాత కొన్ని హర్రర్, కామెడీ, మాఫియా సినిమాలు తీశాడు.ఆ తర్వాత వర్మ అటు బాలీవుడ్ ఇటు టాలీవుడ్ లో ఒక్క హిట్ సినిమా అందించలేక పోయారు. కానీ తన సినిమాలు ఏవి తీసినా అందులో ఏదో ఒక వెరైటీ ఉంచడం అలవాటు అలాగే కాంట్రవర్సీ చేయడం మంచి ప్రమోషన్ చేయడం వర్మకు అలవాటు.
కొంత కాలంగా వరుస పరాజయాలతో ఇబ్బంది పడుతున్న వర్మ ఇటీవల ‘లక్ష్మీస్ ఎన్టీఆర్ ‘తో ఘన విజయం అందుకున్నారు. అయితే ఈ సినిమా రాజకీయల ఇబ్బందుల వల్ల ఏపిలో రిలీజ్ కాలేదు. ఆ మద్య వీరప్పన్ బయోపిక్ తో మంచి హిట్ అందుకున్నారు.
ఇలా సినీ, రాజకీయాల్లో కీలకమైన వ్యక్తులపై బయోపిక్ తీస్తానని చెప్పారు. అన్నట్లే తాజాగా కేసీఆర్ బయోపిక్ ను తీసేలా ఉన్నాడు. అందుకు సంబందించిన ఎనౌన్స్మెంట్ తో ఇటీవల రచ్చ చేసిన వర్మ ఫైనల్ గా టైటిల్ ఫస్ట్ లుక్ ను రిలీజ్ చేశాడు.
ఈ మూవీ టైటిల్ లో కేసీఆర్ టైగర్ అని సెట్ చేసిన టైటిల్ కు మంచి క్యాప్షన్ కూడా ఇచ్చాడు. ధ అగ్రెసివ్ గాంధీ అనే క్యాప్షన్ తో పాటు చిన్న లైన్ తో స్ట్రాంగ్ గా ఎట్రాక్ట్ చేశాడు. అంతే కాదు ‘ఆడు తెలంగాణ తెస్తానంటే.. అందరూ నవ్విండ్రు’ ఇదొక్కటి చాలు సినిమా ఏ రేంజ్ లో ఉండబోతుందో అని అంటున్నారు తెలంగాణ కేసీఆర్ అభిమానులు.
వర్మకు టైటిల్స్ వదలడం కొత్తేమి కాదు. గతంలో కూడా చాలా మంది ప్రముఖుల బయోపిక్స్ తీస్తాను అని అప్పటికప్పుడు పోస్టర్ లతో హంగామా చేసేవారు. తెలంగాణ పోరాటంలో కేసీఆర్ ఎన్నో కష్టనష్టాలకు ఓర్చి చివరికి తన ప్రాణాలు సైతం లేక్కచేయకుండా ఎంతో మందికి స్ఫూర్తినిచ్చారు. ఆయన బయోపిక్ అంటే దర్శకుడు ఎలాంటి ఆలోచనలతో ముందుకు వెళతాడో చూడాలి
