రజని సినిమాలో ఛాన్స్ కొట్టేసిన నివేదా థామస్

కోలీవుడ్: రజనీకాంత్ కథానాయకుడిగా మురుగదాస్ దర్శకత్వంలో ‘దర్బార్’ సినిమా రూపొందుతోంది. ఇటీవలే ఈ సినిమా రెగ్యులర్ షూటింగు మొదలైంది. ముందుగా రజనీకాంత్ కి సంబంధించిన కొన్ని కీలకమైన సన్నివేశాలను చిత్రీకరించారు.

ఆ తరువాత ఈ సినిమా షూటింగులో నయనతార జాయిన్ అయింది. ఈ సినిమాలో నివేదా థామస్ కూడా నటిస్తున్నటుగా వార్తలు వచ్చాయి. ఆమె కూడా ఈ సినిమా షూటింగులో జాయిన్ అయిందనేది తాజా సమాచారం. ఈ సినిమాలో ఆమె రజనీకాంత్ కూతురు పాత్రలో కనిపించనుందనే టాక్ వినిపిస్తోంది.

ఈ పాత్రకి ప్రాధాన్యత ఉండటం వల్లనే నివేదా ఒప్పుకుందని అంటున్నారు. ఇక ఈ సినిమాలో రజనీ ద్విపాత్రాభినయం చేస్తున్నారనే ప్రచారం కూడా జోరుగా జరుగుతోంది. రజనీకాంత్ ను ఎదుర్కునే ప్రతినాయకుడిగా బాలీవుడ్ నటుడు ప్రతీక్ బబ్బర్ నటిస్తున్నాడు. వచ్చే ఏడాదిలో ఈ సినిమా ప్రేక్షకుల ముందుకు రానుంది.