హైదరాబాద్‌ : ‘పవర్ స్టార్: ఎన్నిక‌ల ఫ‌లితాల త‌ర్వాత క‌థ’ పేరుతో సినిమాను తెరకెక్కించి మరో వివాదానికి తెరతీసిన వివాదాస్పద దర్శకుడు రాంగోపాల్‌వర్మ కార్యాలయంపై నేడు దాడి జరిగింది.
జూబ్లీహిల్స్‌లోని ఆయన కార్యాలయంపై జనసేన కార్యకర్తలుగా చెబుతున్న కొందరు దాడి చేశారు. రంగంలోకి దిగిన పోలీసులు ఈ ఘటనతో ప్రమేయమున్న పలువురు జనసేన కార్యకర్తలను అదుపులోకి తీసుకున్నారు.
రామ్‌గోపాల్‌ వర్మ ‘పవర్ స్టార్: ఎన్నిక‌ల ఫ‌లితాల త‌ర్వాత క‌థ’ సినిమా ఇటీవల పెను సంచలనానికి కారణమైంది. పవర్ స్టార్ పవన్ కల్యాణ్ రాజకీయ జీవితంపై వ్యంగ్యంగా ఈ సినిమాను తెరకెక్కించారు.
ఈ సినిమాపై పవన్ అభిమానుల అభ్యంతరం వ్యక్తం చేస్తూ ఈ దాడికి పాల్పడినట్టు తెలుస్తోంది. మరోవైపు ‘పవర్ స్టార్: ఎన్నిక‌ల ఫ‌లితాల త‌ర్వాత క‌థ’ చిత్రానికి కౌంటర్‌గా రామ్‌గోపాల్‌ వర్మపై హీరో పవన్ కల్యాణ్ అభిమానులు ‘పరాన్న జీవి’ పేరుతో ఓ సినిమాను తెరకెక్కిస్తున్నారు.
కాగా, తన కార్యాలయంపై పవన్ కల్యాణ్ అభిమానులు దాడిచేసినట్టు కొద్దిసేపటి క్రితం రాంగోపాల్ వర్మ ట్వీట్ చేశాడు. తన కార్యాలయంపై దాడి చేసి ‘పవర్ స్టార్’కు మరింత పాప్యులారిటీ తీసుకొచ్చారని పేర్కొన్నాడు.
P k fans claiming to be janasena members attacked my office and they have been thrown out into the lockup by my guards and Cops ..I want to kiss and make love to them for giving me more publicity for POWER STAR 😘😘😘😍😍😍 pic.twitter.com/KQiiQ6WPes
— Ram Gopal Varma (@RGVzoomin) July 23, 2020
