అమరావతి: స్వామి స్వరూపానంద ఆశీస్సులు పొందడం కోసం విశాఖపట్నం వెళ్లిన సీఎం జగన్ తన మంచి మనసుతో చేసిన ఒక పనితో శెభాష్ అనిపించుకున్నారు. విశాఖ నుంచి తిరిగి వెళుతుండగా రోడ్డు పక్కన కొంత మంది యువతీ యువకులు బ్లడ్ క్యాన్సర్‌తో బాధపడుతున్న మా మిత్రుడు నీరజ్‌ను కాపాడండి అనే బ్యానర్‌ పట్టుకొని కనిపించారు.
వారిని చూసిన సీఎం వెంటనే కాన్వాయ్‌‌ను ఆపించి వారి దగ్గరకు వెళ్లి ఏమైందంటూ ఆరా తీశారు. తమ స్నేహితుడు నీరజ్ బ్లడ్ క్యాన్సర్‌తో బాధపడుతున్నాడని, ఆపరేషన్‌కు రూ.25 లక్షలు ఖర్చవుతుందని వారు సీఎంకు చెప్పారు.
ప్రస్తుతం బసవతారకం ఇండో అమెరికన్ హాస్పిటల్‌లో చికిత్స పొందుతున్నాడని ఈ నెలాఖారులోగా ఆపరేషన్ చేయాలని చెప్పారు. స్నేహితుడిని కాపాడుకోవడం కోసం వారు పడుతున్న తపనను చూసి చలించిన జగన్ ఆపరేషన్‌కు వెంటనే ఏర్పాటు చేయాలని జిల్లా కలెక్టర్‌ కాటమనేని భాస్కర్‌ను ఆదేశించారు.
సీఎం వెంటనే స్పందించడంతో నీరజ్ స్నేహితుల ఆనందానికి అవధుల్లేకుండా పోయాయి. జూన్ 8న మంత్రులు ప్రమాణ స్వీకారం చేయనున్న నేపథ్యంలో వైఎస్‌ జగన్ శారదా పీఠానికి వెళ్లడం రాజకీయంగానూ ప్రాధాన్యం సంతరించుకుంది.
చదవండి: ” వైసీపీకి 175 సీట్లు వచ్చుంటే నేనే ఎక్కువ ఆనందించేదాన్ని” టీడీపీ కీలక నేత!
