చెన్నై: బిగ్ బాస్ బిగెస్ట్ రియాలిటీ షో. తాజాగా ఈ షో లోకి ప్రముఖ నటి శ్రీరెడ్డి ఎంట్రీ ఇవ్వబోతుంది. అయితే ఈ విషయంలో తెలుగు ప్రేక్షకులు కంగారు పడాల్సిన పనిలేదు. ఎందుకంటే ఆమె కంటెస్టెంట్‌గా తమిళ బిగ్ బాస్ షో‌కి వెళ్లబోతుందట. ప్రస్తుతం కోలీవుడ్ సర్కిల్స్‌లో ఇదే హాట్ టాపిక్‌గా నడుస్తోంది. టాలీవుడ్ క్యాస్టింగ్ కౌచ్ ఉదంతంలో ఇండస్ట్రీని ఓ ఊపుఊపేసిన శ్రీరెడ్డి.
గత కొంతకాలంలో తమిళనాడులో మకాం పెట్టింది. అప్పుడప్పుడూ హైదరాబాద్‌ వచ్చి వెళ్తున్నా తమిళ ఇండస్ట్రీపైనే ప్రత్యేక దృష్టి పెట్టింది. ఇక బిగ్ బాస్ షో విషయానికి వస్తే, తెలుగుతో పాటు తమిళ్ బిగ్ బాస్ 3కి సన్నాహాలు జరుగుతున్నాయి. గత రెండు సీజన్లకు కమల్ హోస్ట్‌గా వ్యవహరించగా.. మూడో సీజన్‌ని ఆయనే హోస్ట్ చేస్తున్నారు. తాజాగా ప్రోమోను కూడా విడుదల చేశారు.
ఇక కంటెస్టెంట్స్ లిస్టులో టాలీవుడ్ వివాదాస్పద నటి, క్యాస్టింగ్ కౌచ్ ఫైర్ బ్రాండ్ శ్రీరెడ్డి పేరు వినిపించడంపై అంతా షాక్ అవుతున్నారు. బిగ్‌బాస్ షో అంటేనే వివాదాలకు కేంద్రబిందువు. ఇలాంటి షోలో వివాదాలకు కేరాఫ్ అడ్రస్‌గా ఉన్న శ్రీరెడ్డిని రంగంలోకి దించడం అంటే దమ్ బిర్యానీకి డబుల్ మసాలా వేసినట్టే. వాస్తవానికి శ్రీరెడ్డి మాట్లాడటం కంటే పోట్లాడటాలే ఎక్కువ ఉంటాయి. రెండు లైన్ల పోస్ట్ పెడితే పదం పదంలోనూ బూతు మస్ట్ అంటుంది. ఇక తిక్కరేగి నోరి తెరిచిందంటే ఆ బూతు పురాణాల్ని ఏళ్ల తరబడి బిగ్ బాస్ ఎపిసోడ్‌లుగా ప్రసారం చేసేయొచ్చు.
అసలు బిగ్ బాస్ కాన్సెప్టే 17 మంది కంటెస్టెంట్స్ ఎమోషన్స్‌ను క్యారీ చేయడం. ఇందులో తగాదాలు, తిట్లు, కొట్లాటలకు అగ్రపీఠం వేస్తారు. ఈ హౌస్‌లోకి కూల్‌గా ఉండే వారు వెళ్లినా.. ఫైర్ బ్రాండ్‌లా మారిపోతుంటారు. అలాంటిది శ్రీరెడ్డి లాంటి ఫైర్ బ్రాండ్ వెళ్లిందంటే ఇంకేమైనా ఉందా రోజు రచ్చ రంబోలే అంటూ సోషల్ మీడియాలో పెద్ద చర్చ నడుస్తోంది.
అయితే టాలీవుడ్ క్యాస్టింగ్ కౌచ్ ఉదంతంతో ఇంటర్నేషనల్ స్థాయిలో పాపులర్ అయిన ఈ వివాదాస్పద నటిని బిగ్‌బాస్ హౌస్ లోకి తీసుకురావడం ద్వారా పెద్ద సాహసమే చేస్తున్నారు షో నిర్వాహకులు.
