తిరుపతి దగ్గర ఘోర రోడ్డుప్రమాదం! ఐదుగురు మృతి!

తిరుపతి: చిత్తూరు జిల్లాలో ఘోర రోడ్డు ప్రమాదం చోటుచేసుకుంది. ఈ దుర్ఘటనలో అయిదుగురు దుర్మరణం చెందగా, మరో అయిదుగురు తీవ్రంగా గాయపడ్డారు. పూర్తి వివరాలు చూస్తే.. గుంటూరు జిల్లా అచ్చంపేట మండలం రుద్రవరం గ్రామానికి చెందిన బాధితులు కారులో తిరుపతి బయలుదేరారు.

దురవరాజుపల్లి వద్ద వీరు ప్రయాణిస్తున్న కారు అదుపుతప్పి రోడ్డు పక్కన ఆగి ఉన్న లారీని బలంగా ఢీకొట్టింది. ప్రమాదంలో కారు ముందు భాగం నుజ్జునుజ్జు అయింది. కారులోని ఐదుగురు అక్కడికక్కడే మృతి చెందారు.

తీవ్రంగా గాయపడిన మరో ముగ్గురిని తిరుపతి రుయా ఆసుపత్రికి తరలించారు. మృతి చెందిన వారిలో రుద్రవరానికి చెందిన విజయ భారతి(38), ప్రసన్న(14), చెన్నకేశవరెడ్డి(12), డ్రైవర్‌ ప్రేమ్‌రాజు (35), అంకయ్య(40) ఉన్నట్టు పోలీసులు తెలిపారు. పోలీసులు కేసు నమోదు చేసుకొని, దర్యాప్తు చేస్తున్నారు.