అమరావతి: నారా లోకేశ్.. ఏపీ సీఎం చంద్రబాబు తనయుడు. ఆంధ్రప్రదేశ్ ఐటీ శాఖ మంత్రి. మొదట పార్టీ బాథ్యతలు చూసిన ఈ యువ నాయకుడు.. ఆ తర్వాత ఏపీ ప్రభుత్వంలోనూ కీలక పాత్ర పోషించారు. తన తండ్రి తర్వాత సెకండ్ ప్లేస్‌లో విధులు నిర్వర్తించారు.
మంచి చదువు, లోకజ్ఞానం, తెలివి తేటలు ఉన్నా, కేవలం ప్రసంగాల్లో దొర్లిన తప్పుల కారణంగా ఎన్నో ఇబందుల పాలయ్యారు. వైసీపీ ఎమ్మెల్యే రోజా ఏ నిమిషంలో లోకేశ్ను పప్పు అన్నారో తెలియదు కానీ, ఆ టైటిల్ బాగా పాపులర్ అయ్యింది. వైసీపీ శ్రేణులంతా ఆ పేరుతోనే లోకేశ్ను ఇప్పటికీ వెటకారం చేస్తున్నారు.
లోకేశ్ తింగర మంగళం…
ఇప్పుడు బీజేపీనేత సోము వీర్రాజు మరో కొత్త పేరు పెట్టారు లోకేశ్‌కు. అది తింగర మంగళం. లోకేశ్ మంగళగిరి అసెంబ్లీ నియోజకవర్గం నుంచి పోటీ చేయడం వల్ల ఈ టైటిల్ ఇంకాస్త బాగా సూట్ అవుతుందనుకున్నారో ఏమో, సోము వీర్రాజు అలా పిలిచేశారు.
దీంతో వైసీపీ శ్రేణులు, టీడీపీ వ్యతిరేక వర్గాలు ఈ పేరును పాపులర్ చేస్తున్నాయి. ఏదేమైనా ఇలా వ్యక్తులను వెటకారం చేసే రీతిలో దుష్ప్రచారం చేయడాన్ని నిరసించాల్సిందే. ఇదే సమయంలో లోకేశ్ వంటి నేతలు కూడా తగిన జాగ్రత్తలు తీసుకుంటే బావుంటుంది.
